«З Лукашэнкам рабілі ўсё тое, што амапаўцы зь людзьмі»
charter97.orgТацяна Заміроўская расказвае пра сваю калекцыю сноў, у якіх беларусы бачаць Аляксандра Лукашэнку, і пра тое, як гэтыя сны мяняліся з часам, асабліва пасьля падзеяў 2020 году, піша «Радыё Свабода»«Галаву адарву!» Як пачыналася калекцыя сноў— Пачалося ўсё пасьля 2010 году, пасьля Плошчы — я тады працавала журналісткай «Белгазеты», і мне пэрыядычна пачалі сьніцца кашмары, дзе я бяру інтэрвію ў Лукашэнкі і мне нельга нічога запісваць на дыктафон.
А ён сядзіць з дыктафонам і кажа: «Вы толькі ўсё добра-добра запомніце. І проста слова ў слова ты павінна гэта запісаць. Бо калі нешта перакруціш, я табе проста галаву адарву!»Я пачала расказваць гэта сваім калегам, і аказалася, што шмат якім калегам-журналістам — асабліва зь незалежных СМІ — таксама такое сьніцца.