«Мы ўмеем рабіць немагчымае і здольныя перамагаць». Ціханоўская павіншавала беларусаў з Днём Волі
udf.byСвятлана Ціханоўская. Скрыншот відэазварота 25 сакавіка 2023 года Лідарка беларускага дэмакратычнага руху, старшыня Аб’яднанага пераходнага кабінета Святлана Ціханоўская 25 сакавіка павіншавала беларусаў з днём абвяшчэння Беларускай народнай рэспублікі — Днём Волі.
Вось што сказала палітык у сваім святочным відэазвароце. «Сябры, добры дзень. Калі вы гледзіце гэты зварот, значыць, апошнімі гадамі вы ішлі ў першых шэрагах нашага агульнага руху да вольнай Беларусі.