Дзень сям'і адзначылі ў Гомелі
15 мая Беларусь адзначыла Дзень сям'і. Гомельскі гарадскі цэнтр інклюзіўнай культуры падрыхтаваў для сваіх гасцей адметны беларускі куточак, прысмакі ды забаўкі для бацькоў, іх сыноў і дачок.
Як расказала “В” Ірына Цяпугіна, дырэктар установы, гаспадар з гаспадыняй распавялі аб аўтэнтычных прадметах беларускага быту пачатку ХХ стагоддзя, малята з сваімі бацькамі прымерылі на сябе беларускія строі, пафатаграфаваліся і пагуляліся ў вясёлыя гульні.