Мед уна на мича акань чужас-артмас
Пыр шензя да нимкодяся зарни киа йӧзӧн. Сетлӧма тай Енмыс налы сям-кужӧмлун да енби! Ӧти татшӧм анькӧд и кӧсъя тӧдмӧдны "Коми му" лыддьысьӧс.
Нина Станиславовна Макаровалӧн кипом уджъясӧн позьӧ помтӧг нимкодясьны… Мыйсӧ сӧмын оз куж кыны-вурны: и уна сикас акань-чача, и олыся-видзӧг, и керка пытшкӧс мичмӧдантор да тшӧтш и сюмӧдысь вӧчӧмтор.