Магічны сэнс паясоў-абярэгаў. Даведаліся, хто і чаму адраджае ў Шчучыне старадаўнія рамёствы
grodnonews.by– Мне падабаецца асвойваць і адмыслова рабіць тое, што мала хто ўмее, – і жартам і ўсур’ёз гаворыць Таццяна Лебядзевіч, метадыст-майстар аддзела рамеснай дзейнасці і народнага мастацтва Шчучынскага РЦКіНТ. – Апошнім часам надзвычай захапіла такое старажытнае мастацтва, як пляценне беларускіх паясоў – без кроснаў, можна сказаць, голымі рукамі.
Нацягваю ніці і пачаргова перакідваю іх з пальца на палец – атрымліваецца прыгожы ўзор і арыгінальнае пляценне. Асаблівую ўвагу надаю арнаменту і гарманічнаму спалучэнню колераў.