Адно шчасце на дваіх. Сям’я Мацюк з Лідскага раёна адзначыла дыяментавае вяселле
grodnonews.bylidanews.by. Калі ўваходзіш у дом сельскіх жыхароў, разумееш: тут жыве шчаслівая сям'я. На такія думкі, магчыма, наводзяць спакойная ўсмешка гаспадыні, утульнасць дома і шмат сямейных фотаздымкаў, якімі ўпрыгожаны сцены і мэбля ў пакоях.
Муж і жонка ставяцца адно да аднаго з павагай. З першага позірку бачна, што быць разам для іх вялікае шчасце. – Прыгожага, статнага хлопца адразу заўважыла, – усміхаючыся, успамінае Марыя Іосіфаўна. – Іван прыходзіў да нас у вёску на вячоркі.